Mendi irteerak egutegia / calendario de las salidas montañeras

Kaixo, mendi irteerak egiteko proposamena da hau, hemendik ekaina bitartean egitekoa aurretik markatuta dauden egunetan:

• otsailak 9- Irulegiko gaztelua. Ilundainetik abiatuta.

• martxoak 9- Ezkaba mendia. Artikatik edo Antsoaindik abiatuta.

• apirilak 13 - Erga mendia. Latasatik abiatuta.

• maiatzak 11- Altzania mendilerroa. Iturmenditik hasita.

• ekainak 8 - Urbasako kobazuloak Lizarragatik hasita. 

Horretaz gain beste bi ere pentsatuta ditugu badaezpada: Txargain mendia Artetatik hasita eta Txurregi mendia Ekai herritik hasita.

Jakina, beti eguraldiaren arabera eta mendizaleen gogoaren arabera.

Besterik erabakitzen ez badugu beti bezala geldituko gara, hamarretan markesinan.

Otsailak 9, Irulegiko gaztelua.

Irulegi (893 m.) 
Desnibela: 200 m. 
Denbora: 1h 15' 
Hasiera: Lakidain (Aranguren bailaran, Ilundain ondoan)

Irulegi izenak esan nahi du hiru mendi, edo hiru gailur, eta halaxe da hiru mendixka daude  bertan: Irulegi, Las Bandericas eta Urramendi. Irulegi mendia ospetsua da bertan zegoelako Nafarroako gaztelu bat (Garañokoa bezalakoa). Beraz, bertan ikusiko ditugu Iruñerriko ekialdeko gazteluaren hondakinak.
Gazteluari buruzko informazio gehiago:
 http://www.aranguren.es/eu/lugar-y-gentes/historia/curiosidades/

Gaztelua ikusi ondoren Ilundaingo baserri eskola ikusi ahal dugu, bertan animaliak eta bestelakoak badira. Hona hemen informazio gehiago:
http://www.granjaescuela-haritzberri.com/?lang=eu&IdLugar=